Антыўрадавыя пратэсты ў Італіі
PR dla Zagranicy
Anna Zadrożna
12.12.2014 12:51
Найбольш балюча жыхары Італіі адчуваюць страйк працаўнікоў грамадзкага транспарту.
У 54 гарадах і населеных пунктах Італіі сёньня праходзяць пратэсты супраць эканамічнай палітыкі ўрада, павелічэньня беспрацоўя й зьбядненьня грамадзтва.
Усеагульны страйк арганізавалі два з трох найбуйнейшых італьянскіх прафсаюзаў, якія да гэтай пары выступалі на баку левацэнтрысцкага ўраду Матэа Рэнці.
Паводле арганізатараў, у страйку ўдзельнічае больш за 70% італьянскіх работнікаў.
Удзельнікі шэсьця ў Рыме маюць намер пратэставаць ля канцылярыі прэм'ер-міністра й сядзібы Міністэрства фінансаў.
Найбольш балюча жыхары Італіі адчуваюць страйк працаўнікоў грамадзкага транспарту, які паралізаваў аўтамабільны рух у сталіцы.
аз