Украіна ўвяла забарону на расейскі транзыт

Украіна забараніла расейскі транзыт праз сваю тэрыторыю. Цягам некалькіх апошніх дзён рух расейскіх грузавікоў на ўкраінскіх дарогах па ўласнай ініцыятыве блякавалі ўкраінскія актывісты.

Сёньняшняе рашэньне ўкраінскага ўраду – гэта адказ на расейскую блякаду транзыту ўкраінскіх фураў, уведзеную на пачатку году.

„Блякуючы ўкраінскі транзыт Расея парушае правілы Сусьветнай гандлёвай арганізацыі й двухбаковую ўкраінска-расейскую дамову. Забарона на перамяшчэньне расейскіх грузавікоў будзе дзейнічаць да адмены гэтага рашэньня”, - чытаем у заяве ўкраінскага ўрада.

Зь мінулага тыдня ў 9 украінскіх абласьцях грамадзкія дзеячы й актывісты правых арганізацый па ўласнай ініцыятыве арганізоўвалі блякады рух расейскіх грузавікоў, сярод іншага, ля мяжы з Расеяй, Беларусьсю, Славаччынай і Вугоршчынай.

Нагадаем, расейскія фуры сталі езьдзіць праз Украіну ў сувязі з тым, што Польшча й Расея ня могуць дамовіцца па справе грузавых перавозак.

аз