Турэцкія дыпляматы папрасілі прытулак у Нямеччыне

Прынамсі 35 турэцкіх грамадзян з дыпляматычнымі пашпартамі папрасілі прытулку ў Нямеччыне пасьля няўдалай ліпеньскай спробы дзяржаўнага перавароту. У прэс-службе МУС Нямеччыны паінфармавалі, што там не вядуць дакладнай статыстыкі, таму названая лічба можа быць большай ці меншай. Яна ахоплівае як дыпляматаў, так і чальцоў іх сямей.

Турэцкая меншасьць у Нямеччыне налічвае тры мільёны чалавек. Пасьля няўдалага турэцкага путчу ў Нямеччыне адбыліся акцыі падтрымкі як прэзыдэнта Рэджэпа Эрдагана, так і яго палітычнага апанэнта Фэтулаха Гулена.

Пасьля спробы перавароту ў Турцыі арыштавана 35 тысяч чалавек, а судовыя працэсы распачатыя супраць 82 тысяч чалавек.

ав