У Міжземнае мора ўвайшлі атамныя караблі Расеі

У Мінабароны Расеі распавялі пра месцазнаходжаньне карабельнай ударнай групы на чале з крэйсерам «Пётр Вялікі», паведамляе агенцтва «Інтэрфакс».

«На мінулым тыдні наша карабельная авіяноснай ударная група на чале з ракетным крэйсерам «Пётр Вялікі» зьдзейсьніла пераход па Ўсходняй Атлянтыцы ў Міжземнае мора», – сказаў кіраўнік Мінабароны РФ Сяргей Шайгу.

«З 27 па 29 кастрычніка суднамі забесьпячэньня выканана папаўненьне карабельнай групы ўсімі відамі запасаў да ўстаноўленых нормаў», – дадаў ён.

Таксама Шайгу адзначыў, што быў зьдзіўлены публічнай адмовай некаторых краін ад заходу расейскай карабельнай авіяноснай групы ў замежныя парты.

Цяжкі атамны ракетны крэйсер «Пётр Вялікі» – найбольшы ў сьвеце неавіянясучы ўдарны баявы карабель.

Раней СМІ паведамілі, што тры падводныя лодкі, узброеныя крылатымі ракетамі, далучыліся да карабельнай авіяноснай групы ВМФ Расеі.

вс