Польшча й Ірляндыя адзначаюць 40-годзьдзе дыпадносінаў
PR dla Zagranicy
Anna Zadrożna
23.11.2016 17:17
Пры гэтай нагодзе Вітальд Вашчыкоўскі накіраваўся зь візытам у Ірляндыю.
Photo: PAP/Radek Pietruszka
Міністар замежных спраў Польшчы накіраваўся з двухдзённым візытам у Ірляндыю. У Дубліне ён сустрэнецца, між іншым, з прадстаўнікамі ірляндзкага ўраду, наведае сядзібу кампаніі Google, а таксама выступіць у адным з аналітычных цэнтраў. Нагодай для візыту зьяўляецца 40-годзьдзе ўстанаўленьня дыпляматычных адносін паміж Польшчай і Ірляндыяй.
На чацьвер заплянаваная сустрэча Вітальда Вашчыкоўскага (Witold Waszczykowski) з палякамі, якія жывуць у Ірляндыі. Менавіта сытуацыя польскіх мігрантаў у гэтай краіне будзе закранацца падчас размоваў кіраўніка польскай дыпляматыі зь ірляндзкімі міністрамі.
Паводле дадзеных Галоўнага статыстычнага ўпраўленьня за 2014 год, у Ірляндыі пражывае больш за 110 тысяч палякаў. Паводле іншых крыніц - да 150 тысяч.
аз