ЗША прадаўжаюць санкцыі супраць Ірану

ЗША прадоўжаць санкцыі супраць Ірану на наступныя 10 гадоў. За праект прагаласавалі 99 сэнатараў, ніхто ня быў супраць.

На думку аўтараў праекту, працяг абмежавальных мераў неабходны да моманту выкананьня іранскім бокам усіх пунктаў ядзернага пагадненьня.

Нагадаем, пагадненьне, заключанае ў ліпені мінулага году паміж Іранам і міжнароднай супольнасьцю прадугледжвае, што Іран адмовіцца ад сваёй ядзернай праграмы. Узамен ён атрымаў права экспартаваць нафту ў краіны Эўразьвязу й доступ да міжнародных фінансавых рынкаў.

Сваё рашэньне амэрыканскі Сэнат абгрунтаваў павышэньнем іранскай актыўнасьці, у тым ліку ваеннай, на Блізкім Усходзе.

Тэрмін, уведзеных 10 гадоў таму амэрыканскіх санкцыяў супраць Ірану заканчваецца ў канцы бягучага году. Яны ахопліваюць прамысловы сэктар, энэргетыку, ваенную прамысловасьць і банкаўскі сэктар.

Міністар замежных спраў Ірану асудзіў рашэньне ЗША. Паводле Махамада Джавада Зарыфа, гэта „парушэньне дамовы” з 2015 году.

Нагадаем, у сярэдзіне студзеня эканамічныя санкцыі, уведзеныя ў дачыненьні да Ірану, адмянілі краіны Эўразьвязу.

аз