Парлямэнцкая асамблея Польшчы і Ўкраіны сустракаецца ў Львове (ФОТА)
PR dla Zagranicy
Anna Zadrożna
03.12.2016 12:21
Галоўныя тэмы сустрэчы: супраца ў сфэры бясьпекі й процідзеяньне агрэсіі з боку Расеі.
Photo:PAP/Darek Delmanowicz
У Львове сустракаюцца прадстаўнікі парлямэнтаў Польшчы і Ўкраіны. Сэсію Парлямэнцкай асамблеі Польшчы і Ўкраіны ачольваюць віцэ-сьпікер польскага Сэйму Рышард Тарлецкі (Ryszard Terlecki) і намесьнік старшыні Вярхоўнага Савета Ўкраіны Аксана Сыроед.
Photo: PAP/Darek Delmanowicz
Галоўныя тэмы паседжаньня - гэта супраца ў сфэры бясьпекі, процідзеяньне агрэсіі з боку Расеі й роля парлямэнтаў ва ўмацаваньні адносінаў паміж абедзьвюма краінамі.
Photo: PAP/Darek Delmanowicz
Дэлегацыі парлямэнтаў Польшчы і Ўкраіны складаюць па 20 чалавек: 16 дэпутатаў і 4 сэнатараў. Сэсіі Парлямэнцкай асамблеі праходзяць раз у адной, раз у другой краіне. Першая сустрэча адбылася ў 2003 годзе. У рамках Парлямэнцкай асамблеі Польшчы і Ўкраіны дзейнічаюць розныя камісіі, у тым ліку па пытаньнях памежнага супрацоўніцтва, аховы навакольнага асяродзьдзя, эўрапейскай інтэграцыі й эканамічнага супрацоўніцтва.
аз