Моладзь сустракаецца ў Рызе
PR dla Zagranicy
Jury Lichtarowicz
28.12.2016 14:21
Бліжэйшыя 5 дзён каля 15 тысяч чалавек будуць маліцца за мір і салідарнасьць у сьвеце.
Foto: www.taize.fr
У латыскай сталіцы праходзіць трыццаць дзевятая Эўрапейская сустрэча моладзі, падрыхтаваная экумэнічнай супольнасьцю Тэзэ.
Цягам бліжэйшых пяці дзён каля 15 тысяч удзельнікаў будуць маліцца, удзельнічаць канцэртах, экскурсіях ды дэбатах. Асноўнай тэмай дыскусій і разважаньняў будзе ўдзел моладзі ў будаваньні міру ды салідарнасьці ў сьвеце.
У сустрэчы бяруць удзел маладыя католікі, пратэстанты і праваслаўныя, але і атэісты ды асобы, якія шукаюць веру. Найбольшай нацыянальнай групай сталі палякі. У Рызе іх павінны быць каля чатырох тысяч.
Моладзь правядзе разам навагоднія сьвяты. Сьвяткаваньне пачнецца а 23.00 з малітвы за мір ва ўсім сьвеце. Калі поўначы пачнецца так званы фэстываль нацый, у праграме якога агульныя сьпевы і танцы, прэзэнтацыя культур і народаў сьвету.
Эўрапейскія сустрэчы маладзі, або «Эўрапейская пілігрымка даверу па Зямлі», ладзяцца Супольнасьцю Тэзэ з 1978 года. Упершыню сустрэча адбудзецца у краіне, якая ўваходзіла ў склад былога СССР.
ПР/юл