Дональд Трамп прыпыніў прыём бежанцаў з Сырыі
PR dla Zagranicy
Anna Zadrożna
28.01.2017 11:45
Апрача таго лідар ЗША прыпыніў на 120 дзён праграму прыёму бежанцаў зь іншых краінаў.
PAP/EPA/Olivier Douliery / POOL
Прэзыдэнт ЗША прыпыніў прыём бежанцаў з Сырыі. Гэта адзін з пунктаў указу Дональда Трампа, які павінен абвастрыць праверку мігрантаў і бежанцаў у ЗША. Тэрмін дзеяньня ўказу нявызначаны.
Апрача таго лідар ЗША прыпыніў на 120 дзён праграму прыёму бежанцаў зь іншых краінаў. Пасьля заканчэньня гэтага тэрміну, у першую чаргу будуць разглядацца заявы прадстаўнікоў меншасьцяў, якія перасьледуюцца па рэлігійных прычынах.
Прэзыдэнт таксама рэкамэндаваў паскорыць працу па сыстэме біямэтрычнай праверкі ўсіх асоб, якія ўязджаюць у Злучаныя Штаты.
Аднак ва ўказе не згадваецца праграма стварэньня ў Сырыі „бясьпечных зонаў” для бежанцаў, пра што Дональд Трамп казаў некалькі дзён таму.
аз