Да 2030 года кожны пяты аўтамабіль у Японіі будзе бесьпілотным
PR dla Zagranicy
Alena Vialichka
04.03.2017 11:40
У 2020 годзе на Алімпійскіх гульнях у Токіо будуць працаваць бесьпілотныя таксі.
pixabay.com/Public Domain CC0
Міністэрства эканомікі, гандлю і прамысловасьці Японіі прыняло плян па папулярызацыі самакіравальных аўтамабіляў у краіне. Да 2030 года 20% машын у краіне павінны быць бесьпілотнымі.
Як паведамляе ixbt.com са спасылкай на DigiTimes Research, ужо ў гэтым годзе ўрад Японіі ўхваліў выкарыстаньне самакіравальных аўтамабіляў у раёнах з адносна невысокім узроўнем насельніцтва. У 2020 годзе на Алімпійскіх гульнях у Токіо будуць працаваць бесьпілотныя таксі. У 2025 годзе самакіраваным машынам дазволяць выехаць на трасы, у 2027 – на дарогі невялікіх гарадоў, у 2030 – на ўсе дарогі краіны.
Найбуйнейшы японскі аўтавытворца Toyota Motor плянуе пачаць камэрцыйнае выкарыстаньне самакіравальных аўтамабіляў уласнай распрацоўкі ў новым годзе.
Інтэрфакс/ав