З пачатку вайны ў Данбасе мінула 3 гады
PR dla Zagranicy
Alaksandar Papko
14.04.2017 17:42
У выніку баявых дзеяньняў загінулі больш за 2,5 тысячы ўкраінскіх вайскоўцаў.
ДанбасAliaksandr Papko/radyjo.net
2652 загінулых жаўнераў і 9578 параненых – такія страты панесла ўкраінская армія за тры гады вайны з прарасейскими сэпаратыстамі ў Данбасе.
14 красавіка мінула тры гады з дня пачатку так званай антытэрарыстычнай апэрацыі (АТО). Пасьля таго, як узброеныя дывэрсанты з Расеі пад кіраўніцтвам палкоўніка ФСБ Ігара Гіркіна (Стралкова) захапілі горад Славянск і ў сутычцы забілі афіцэра Службы бясьпекі Ўкраіны, выконваючы абавязкі прэзыдэнта Ўкраіны Ігар Турчынаў распарадзіўся пачаць антытэрарыстычную апэрацыю ў Данецкай і Луганскай абласьцях Украіны.
Улады Ўкраіны неаднаразова прадстаўлялі доказы таго, што Расея пастаўляе ў Данбас артылерыю, бронетэхніку, боепрыпасы, высылае туды афіцэраў і нават рэгулярныя вайсковыя падразьдзяленьні. Два пагадненьні аб перамірʼі не прывялі да спыненьня агню. Самае апошняя дамоўленасьць аб прыпыненьні агню была дасягнутая 1 красавіка ў сувязі са сьвятам Уваскрашэньня Хрыстова. Аднак толькі за апошнія суткі сэпаратысты 65 разоў абстралялі ўкраінскія пазыцыі й паранілі двух вайскоўцаў.
IAR/ап