Усё больш вядома пра сыстэму прадуктовых картак у Расеі

Расейскае Міністэрства прамысловасьці і гандлю хоча ўвесьці прадуктовыя карткі. Такім чынам улады намераныя аказаць падтрымку самым бедным слаям насельніцтва.

Праект картак або купонаў на харчаваньне апрацоўваецца ўжо два гады. Паводле словаў міністра прамысловасьці і гандлю Дзяніса Мантурава, яго будуць паступова ўводзіць з сярэдзіны будучага году. Праграма збудаваная па ўзоры амэрыканскай.

У ЗША асобы з нізкім даходам атрымліваюць ад дзяржавы купоны сумаю ў 129 даляраў, за якія можна купіць рэчы першай неабходнасьці. У Расеі такія асобы атрымаюць плястыкавыя карткі з пунктамі. Іх можна будзе рэалізаваць у краме, купляючы харчовыя прадукты. Пункты нельга будзе зьбіраць, а купляць можна будзе толькі тавары айчыннай вытворчасьці.

IAR PR/нг