Прэс-сакратар Мэркель тлумачыць яе словы аб супрацоўніцтве з NATO
PR dla Zagranicy
Jolanta Śmiałowska
29.05.2017 16:51
Адразу пасьля сустрэчы з Дональдам Трампам на саміце G-7, канцлерка Нямеччыны сказала, што Эўропа павінна ўзяць свой лёс у свае рукі.
Лідары G-7 у Таорміна на СыцылііEPA/TIBERIO BARCHIELLI/
Канцлер Нямеччыны Ангела Мэркель падтрымлівае блізкае трансатлянтычнае супрацоўніцтва са Злучанымі Штатамі Амэрыкі.
З такой заявай выступіў прэс-сакратар Ангелы Мэркель Штэфэн Зайберт.
Ён адзначыў, што ў ацэнцы Ангелы Мэркель, трэба адкрыта гаварыць пра адрозьненьні, якія зьяўляюцца на лініі Нямеччына – ЗША, для таго, каб падтрымліваць здаровыя адносіны паміж дзьвюма краінамі.
Нагадаем, адразу пасьля сустрэчы з Дональдам Трампам на саміце G-7, канцлерка Нямеччыны сказала, што Эўропа павінна ўзяць свой лёс у свае рукі. Яна дала зразумець, што Злучаныя Штаты пад кіраўніцтвам прэзыдэнта Дональда Трампа і Вялікабрытанія пасьля прыняцьця рашэньня аб выхадзе з ЭЗ больш не зьяўляюцца надзейнымі партнэрамі.
яс