Нідэрлянды змагаюцца з бандамі, якія ўзрываюць банкаматы
PR dla Zagranicy
Jolanta Śmiałowska
26.07.2017 16:15
Банкі закрываюць на ноч банкаматы мэталічнымі шторамі або жалюзі.
Foto: Wikimedia Commons/Adrian Grycuk
Галяндзкія ўлады рыхтуюць новыя мэтады барацьбы са злодзеямі, якія ўзрываюць банкаматы. Паліцыя адшукала 300 чалавек, якія падазраюцца ў здзяйсьненьні гэтых злачынстваў. Арганізаваныя групы падобную дзейнасьць вядуць таксама на тэрыторыі Нямеччыны.
У Нідэрляндах толькі ў мінулым годзе злодзеі з выкарыстаньнем выбуховых рэчываў пашкодзілі больш за 100 банкаматаў.
Паліцыя ў Амстэрдаме, Ратэрдаме і Утрэхце заявіла пра інтэнсіўныя праверкі, падкрэсьліўшы, што выкарыстае любую нагоду, каб затрымаць падазраваных у зьнішчэньні банкаматаў. Назіраньнем будуць ахоплены семʼі злачынцаў.
Напады на банкаматы сталі сапраўднай праблемай. Злодзеі выкарыстоўваць усё больш жорсткія меры, каб ажыцьцявіць выбух. У выніку многія жыхары будынкаў, дзе знаходзіліся банкаматы, мусяць эвакуявацца пасьля выбуху.
Адзін з найбуйнейшых банкаў, якому ў мінулым годзе злодзеі пашкодзілі або ўзарвалі амаль 80 банкаматаў, вырашыў наняць ахоўнікаў для аховы ўначы самых небясьпечных месцаў. Банкі таксама закрываюць на ноч банкаматы мэталічнымі шторамі або жалюзі.
яс