Маці тэрарыста Юнэса Абуякуба просіць яго зьвярнуцца ў паліцыю
PR dla Zagranicy
Natalia Szymkowiak
20.08.2017 15:47
Менавіта ён знаходзіўся за стырном аўтамабіля, які ўрэзаўся ў натоўп турыстаў 17 жніўня.
PAP/EPA/JUAN CARLOS HIDALGO
Паліцыя Каталёніі (правінцыя Гішпаніі) працягвае пошук аднаго з тэрарыстаў, датычных да тэрактаў у Барсэлёне. Галоўны падазроны – гэта кіроўца, які наехаў на мінакоў – 22-гадовы мараканец Юнэс Абуякуб. Паводле інфармацыі гішпанскіх СМІ, менавіта ён знаходзіўся за стырном аўтамабіля, які ўрэзаўся ў натоўп турыстаў 17 жніўня.
Маці Абуякуба зьвярнулася да яго з заклікам, каб ён сам прыйшоў у паліцыю. Маці тэрарыста адзначыла, што лепш, каб ён сядзеў у турме, чым быў забіты.
У сваю чаргу мусульмане з горада, дзе пражывала большасьць тэрарыстаў, наладзілі мірную дэманстрацыю, у якой удзельнічалі таксама сваякі ахвяр тэрактаў.
У выніку тэрактаў у Гішпаніі загінула 14 чалавек, каля 130 было паранена.
ІАР ПР/нг