Невядомыя згвалтавалі і зьбілі польскую пару ў Італіі

Ноччу з пятніцы на суботу, жанчына была згвалтаваная групай чатырох зламысьнікаў, а яе муж зьбіты да непрытомнасьці. Злачынцы паходзяць з Паўночнай Афрыкі.

Маладая польская пара была на адпачынку ў Рыміні з групай суайчыньнікаў. Учора ўвечары пара, якім па 26 гадоў, бавіла час на пляжы, дзе й напалі на іх чацьвёра мужчын. Нападнікі доўга гвалцілі жанчыну, а яе мужа зьбілі, у выніку чаго страціў прытомнасьць. На канец зламысьнікі абрабавалі сваіх ахвяр.

Дапамогу выклікалі мінакі, якія ўбачылі скрываўленую пару на набярэжнай.

Вестка пра напад на польскіх турыстаў на пляжы ў Рыміні ў Італіі выклікала хвалю абурэньня.

Улады Рыміні выказалі глыбокае абурэньне тым, што здарылася і заклікалі паведамляць у паліцыю пра ўсе факты, якія могуць быць карыснымі пры дасьледаваньні.

Дасьледаваньне па справе нападу на палякаў даручыў таксама міністар юстыцыі Польшчы Збігнеў Зёбра.

яс