Дэпутаты Бундэстагу хочуць, каб іх выбіралі не на чатыры, а на пяць гадоў

Дэпутаты нямецкага Бундэстагу лічаць, што паўнамоцтвы членаў гэтай палаты парлямэнту трэба прадоўжыць з чатырох да пяці гадоў. Гэтую ідэю падтрымалі ўсе парлямэнцкі фракцыі Бундэстагу.

Палітыкі лічаць, што цягам чатырох гадоў яны не пасьпяваюць рэалізаваць сваіх выбарчых праграм. Галасаваньне аднак адбудзецца не падчас актуальнага, але наступнага скліканьня палаты. Бліжэйшыя выбары ў Бундэстаг пройдуць 24 верасьня.

Такім чынам, калі тэрмін будзе прадоўжаны, то падчас выбараў у Бундэстаг у 2021 годзе дэпутаты будуць выбірацца ўжо на пяць гадоў.

Бундэстаг зьяўляецца органам народнага прадстаўніцтва ФРГ і адной з палат парлямэнту (разам з Бундэсратам). Ён абіраецца насельніцтвам краіны, якое мае выбарчыя правы, тэрмінам на чатыры гады.

Датэрміновы роспуск парлямэнту магчымы толькі ў выглядзе выключэньня і ўваходзіць у кампэтэнцыю фэдэральнага прэзыдэнта.

вс