ЗША адправяць у Афганістан дадаткова больш за 3 тыс. ваеннаслужачых

Злучаныя Штаты Амэрыкі адправяць у Афганістан дадаткова больш за 3 тыс. ваеннаслужачых. Раней паведамлялася, што Пэнтагон адправіць у Афганістан каля 3,5 тыс. афіцэраў і жаўнераў.

На мінулым месяцы прэзыдэнт Дональд Трамп паведаміў пра новую стратэгію ЗША ў Афганістане. Мэта новай палітыкі – канчатковае зьнішчэньне талібаў, якія нападаюць на афганскія ўладныя структуры, у тым ліку войска й паліцыю, а таксама кантралююць значную частку тэрыторыі краіны. Злучаныя Штаты таксама аказваюць ціск на сваіх саюзьнікаў па НАТО для павелічэньня ваеннай прысутнасьці ў Афганістане.

Цяпер на тэрыторыі Афганістана знаходзіцца каля 11 тыс. амэрыканскіх ваеннаслужачых.

вс