Пачалася перавозка трубаў для Nord Stream 2

Пачалася перавозка трубаў для пабудовы газаправоду Nord Stream 2, які павінен дастаўляць газ з Расеі да Нямеччыны па дне Балтыйскага мора.

У порт Калсхамн (Karlshamn) на поўдні Швэцыі будуць дастаўленыя 52 тысячы трубаў з бэтоннай абалонкай, вырабленыя ў Нямеччыне фірмай Wasco Coating.

Працягласьць газаправоду Nord Stream 2 складзе каля 1200 кілямэтраў, зь якіх 500 пройдуць па тэрытарыяльных водах Швэцыі. Краіны Балтыі, Цэнтральнай і Ўсходняй Эўропы, у тым ліку Польшча і Ўкраіна, заявілі пра небясьпеку расейска-нямецкага праекту. На іх думку, газаправод узмацніць залежнасьць Эўрапейскага зьвязу ад расейскага паліва й дазволіць Крамлю выкарыстоўваць супраць краінаў рэгіёну энэргетычны шантаж. Заўвагі да праекту Nord Stream 2 мае таксама Эўрапейская камісія.

IAR/ап