Трамп абяцаў раскрыць архівы па справе забойства Джона Кэнэдзі

Дональд Трамп абвясьціў, што ў наступны чацвер ён мае намер рассакрэціць архіўныя матэрыялы, зьвязаныя з забойствам прэзыдэнта Джона Кэнэдзі. Амэрыканскія СМІ выказалі здагадку, што некаторыя з іх Белы дом паспрабуе блякаваць, каб не выяўляць амэрыканскія мэтады апэрацыйных дзеяньняў.

У адказ Дональд Трамп абвясьціў на Твітэры, што ён мае намер апублікаваць усе спрэчныя дакумэнты. Гэта тысячы файлаў Нацыянальнага архіва ЗША.

На гэты момант чакаюць так людзі, якія шукаюць сэнсацыі, як і гісторыкі.

СМІ нагадалі, што Дональд Трамп падчас прэзыдэнцкай выбарчай кампаніі сьцьвярджаў, што бацька яго суперніка Тэда Круза быў зьвязаны з забойцам Кэнэдзі Лі Харві Освальдам. Круз адразу абверг паведамленьні і запатрабаваў прабачэньняў, якіх дагэтуль не дачакаўся.

Прэзыдэнт Джон Кэнэдзі быў застрэлены ў Даласе 22 лістапада 1963 году. Да сёньняшняга дня існуе мноства тэорый змовы па гэтым пытаньні, якія, аднак, ніколі не былі даказаны.

яс