Рада Расея-NATO абмяркуе вучэньні „Захад-2017”
Паседжаньні Рады Расея-NATO адбываюцца ўсё часьцей, але пакуль выключна на ўзроўні амбасадараў.
У Брусэлі амбасадары краінаў-членаў Паўночнаатлянтычнага альянсу сустракаюцца са сваім расейскім калегам. Паседжаньні Рады Расея-NATO адбываюцца ўсё часьцей, але пакуль выключна на ўзроўні амбасадараў. Сустрэчы міністраў былі прыпыненыя пасьля расейскай анэксіі Крыму й агрэсіі на ўсходзе Ўкраіны.
Сёньня амбасадары абмяркоўваюць нядаўна завершаныя расейска -беларускія манэўры „Захад-2017”.
Многія сяброўскія краіны альянсу ўспрынялі згаданыя вучэньні ў якасьці пагрозы для стабільнасьці ў Эўропе. Занепакоенасьць выклікалі таксама паведамленьні з Украіны, што пасьля заканчэньня вучэньняў Расея, быццам бы, пакінула ў Беларусі частку сваіх войскаў.
Сустрэча праходзіць таксама празь некалькі дзён пасьля таго, як Масква абвінаваціла NATO у разьмяшчэньні на ўсходнім флянгу большай колькасьці жаўнераў, чым пачаткова паведамлялася.
Паводле Расеі, альянс накіраваў у Эўропу не брыгаду, але дывізію, парушаючы такім чынам дзейныя пагадненьні. Паводле расейскага боку, гэта NATO уяўляе сабой пагрозу для стабільнасьці ў Эўропе.
аз
У Брусэлі амбасадары краінаў-членаў Паўночнаатлянтычнага альянсу сустракаюцца са сваім расейскім калегам. Паседжаньні Рады Расея-NATO адбываюцца ўсё часьцей, але пакуль выключна на ўзроўні амбасадараў. Сустрэчы міністраў былі прыпыненыя пасьля расейскай анэксіі Крыму й агрэсіі на ўсходзе Ўкраіны.
Сёньня амбасадары абмяркоўваюць нядаўна завершаныя расейска-беларускія манэўры „Захад-2017”.
Многія сяброўскія краіны альянсу ўспрынялі згаданыя вучэньні ў якасьці пагрозы для стабільнасьці ў Эўропе. Занепакоенасьць выклікалі таксама паведамленьні з Украіны, што пасьля заканчэньня вучэньняў Расея, быццам бы, пакінула ў Беларусі частку сваіх войскаў.
Сустрэча праходзіць таксама празь некалькі дзён пасьля таго, як Масква абвінаваціла NATO у разьмяшчэньні на ўсходнім флянгу большай колькасьці жаўнераў, чым пачаткова паведамлялася.
Паводле Расеі, альянс накіраваў у Эўропу не брыгаду, а дывізію, парушаючы такім чынам дзейныя пагадненьні. Паводле расейскага боку, гэта NATO уяўляе сабой пагрозу для стабільнасьці ў Эўропе.
аз