Эўракамісар: Адносіны зь Беларусьсю ўмацоўваюцца й паляпшаюцца
Адносіны зь Беларусьсю ўмацоўваюцца й паляпшаюцца – такое меркаваньне эўракамісар па пытаньнях палітыкі пашырэньня й добрасуседзтва Ёханэс Хан выказаў на сустрэчы з журналістамі краін Усходняга партнэрства ў Брусэлі.
У Хана спыталіся пра яго стаўленьне да таго, што Беларусь на саміце ў сталіцы Бэльгіі прадстаўляе не Аляксандр Лукашэнка, а міністар замежных справаў Уладзімір Макей.
«Краіна сама вырашае, хто яе будзе прадстаўляць. У нас добрыя адносіны з Макеем. Няма ніякага нэгатыву, што прыедзе ён. Адносіны зь Беларусьсю ўмацоўваюцца й паляпшаюцца», – сказаў Хан.
Ён адзначыў, што адносіны з афіцыйным Менскам выбудоўваюцца на ўзаемавыгаднай аснове. «Гэта не пагроза Расеі. Калі я прачынаюся раніцай, то не гляджу на карту, ня тыкаю ў тыя краіны, якія да нас яшчэ не далучыліся, а потым не званю з прапановай далучыцца. Мы шукаем, што выгадна абодвум бакам», – сказаў Хан.
Ён адзначыў, што па Беларусі застаюцца пытаньні ў сувязі з захаваньнем сьмяротнага пакараньня й парушэньняў правоў чалавека.
Адносіны зь Беларусьсю ўмацоўваюцца й паляпшаюцца – такое меркаваньне эўракамісар па пытаньнях палітыкі пашырэньня й добрасуседзтва Ёханэс Хан выказаў на сустрэчы з журналістамі краін Усходняга партнэрства ў Брусэлі.
У Хана спыталіся пра яго стаўленьне да таго, што Беларусь на саміце ў сталіцы Бэльгіі прадстаўляе не Аляксандр Лукашэнка, а міністар замежных справаў Уладзімір Макей.
«Краіна сама вырашае, хто яе будзе прадстаўляць. У нас добрыя адносіны з Макеем. Няма ніякага нэгатыву, што прыедзе ён. Адносіны зь Беларусьсю ўмацоўваюцца й паляпшаюцца», – сказаў Хан.
Ён адзначыў, што адносіны з афіцыйным Менскам выбудоўваюцца на ўзаемавыгаднай аснове. «Гэта не пагроза Расеі. Калі я прачынаюся раніцай, то не гляджу на карту, ня тыкаю ў тыя краіны, якія да нас яшчэ не далучыліся, а потым не званю з прапановай далучыцца. Мы шукаем, што выгадна абодвум бакам», – сказаў Хан.
Ён адзначыў, што па Беларусі застаюцца пытаньні ў сувязі са сьмяротным пакараньнем і парушэньнямі правоў чалавека.
паводле наша ніва/вс