Кампартыя Кітая намераная актыўней уплываць на сусьветную палітыку

Камуністычная партыя Кітая намераная больш актыўна ўдзельнічаць у вырашэньні глябальных праблемаў. Пра гэта заявіў Старшыня КНР і генэральны сакратар Камуністычнай партыі Кітая Сі Цзіньпін на кангрэсе з удзелам прадстаўнікоў 120 партыяў сьвету.

Пры гэтым генсек заявіў, што Кітай не намераны экспартаваць сваёй мадэлі разьвіцьця. Як паведамляе кітайскае дзяржаўнае інфармагенцтва «Сіньхуа», у сустрэчы ў Пэкіне ўдзельнічаюць прадстаўнікі кіруючых партыяў з самых уплывовых дзяржаў сьвету – напрыклад, дэлегаты ад Рэспубліканскай партыі ЗША й партыі «Адзіная Расея». У канфэрэнцыі прымае ўдзел таксама ляўрэатка Нобэлеўскай прэміі Міру Аун Сан Су Джы. Поўнага сьпісу ўдзельнікаў кітайскія ўлады, аднак, не публікуюць.

IAR/ап