Logo Polskiego Radia
Print

Лідар Хамасу заклікаў палестынцаў да новага паўстаньня

PR dla Zagranicy
Valery Sauko 07.12.2017 16:29
«У сьвятле новых прыярытэтаў мірны працэс паміж палестынцамі й ізраільцянамі быў прынесены ў ахвяру».
Кіраўнік Палітбюро палестынскага руху Хамас Ісмаіл ХаніяКіраўнік Палітбюро палестынскага руху Хамас Ісмаіл Ханіяyoutube.com/screen

Кіраўнік Палітбюро палестынскага руху Хамас Ісмаіл Ханія заклікаў у чацьвер да пачатку новай інтыфады (палестынскага паўстаньня).

«У сьвятле новых прыярытэтаў мірны працэс паміж палестынцамі й ізраільцянамі быў прынесены ў ахвяру, зьдзелкі стагодзьдзя ня будзе», – прыводзіць яго словы тэлеканал Al Jazeera.

Паводле словаў Ханіі, заява прэзыдэнта ЗША Дональда Трампа аб прызнаньні Ерусаліма сталіцай Ізраіля й пераносе туды амэрыканскай амбасады з Тэль-Авіва «паклала канец пагадненьням з Осла і назаўжды пахавала мірны працэс на Блізкім Усходзе».

«Гэтае рашэньне азначае пачатак новага палітычнага этапу», – адзначыў ён.

Нагадаем, прэзыдэнт ЗША Дональд Трамп прызнаў Ерусалім сталіцай Ізраіля й загадаў перанесьці туды пасольства Злучаных Штатаў з Тэль-Авіву. Сусьветныя палітыкі выказалі заклапочанасьць з нагоды рашэньня Трампа.

вс

Print
Copyright © Polskie Radio S.A Пра нас Кантакт