У навагоднюю ноч у Бэрліне для жанчын наладзяць „зоны бясьпекі”

У навагоднюю ноч у гарадах Нямеччыны будуць прымяняцца спэцыяльныя меры бясьпекі. Яны ўводзяцца мясцовымі органамі ўлады з мэтай прадухіліць магчымыя напады імігрантаў на жанчын. Напрыклад, у Бэрліне арганізатары масавых імпрэзаў створаць адмысловыя „зоны бясьпекі” для жанчын.

Апрача таго, у буйных гарадах паліцыя ўсталёўвае дадатковыя камэры відэаназіраньня й асьвятленьне. За бясьпекай удзельнікаў масавых імпрэзаў будуць сачыць дадатковыя патрулі паліцыі й функцыянэры ў цывільным.

У Бэрліне, Кёльне, Франкфурце й Гамбургу паліцыя ставіць намёты, якія будуць служыць у якасьці дадатковых паліцэйскіх участкаў.

Нагадаем, цягам двух апошніх гадоў падчас навагодніх імпрэзаў у Нямеччыне даходзіла да атакаў супраць жанчын з боку груп мігрантаў.

У Новы год сотні нямецкіх жанчын зьвярнуліся ў паліцыю са скаргамі на акты сэксуальнай агрэсіі.

аз