Эмануэль Макрон наведвае Кітай

На парадку дня перамоваў уключаныя пытаньні па ўмацаваньні эканамічнага супрацоўніцтва, а таксама кліматычных зьменаў.

Эмануэль Макрон хоча дамовіцца з Пэкінам пра павелічэньне францускага экспарту ў Кітай. Французы хочуць, каб умовы на кітайскім рынку былі больш спрыяльнымі для прадпрымальнікаў з краін Эўрапейскага Зьвязу. З прэзыдэнтам у Кітай паляцелі прадстаўнікі найбуйнейшых францускіх кампаній з аўтамабільнай галіны, авіяцыі ды гатэльнага бізнэсу.

Неафіцыйна вядома, што падчас візыту Макрона ў Кітаі будзе падпісанае пагадненьне аб продажы каля 100 самалётаў Airbus. Францыя таксама хоча павялічыць экспарт прадуктаў харчаваньня.

Падчас перамоў лідараў Францыі й Кітая таксама будуць абмяркоўвацца тэмы кліматычных зьмен і сытуацыі на Карэйскім паўвостраве.

ПР/юл