Сацыял-дэмакраты і кансэрватары ФРГ дамовіліся пачаць кааліцыйныя перамовы

Праз амаль чатыры месяцы пасьля выбараў у Бундэстаг лідары трох нямецкіх партый дасягнулі пагадненьня па спрэчных пытаньнях і рэкамэндавалі прыступіць да перамоваў аб стварэньні ўрада.

У Нямеччыне завяршыліся папярэднія кансультацыі паміж блёкам хрысьціянскіх партый ХДС/ХСС і Сацыял-дэмакратычнай партыяй Нямеччыны (СДПН) аб магчымасьці стварэньня ўрадавай кааліцыі. Пасьля заключнага раунда кансультацый раніцай у пятніцу, 12 студзеня лідары ХДС, ХСС і СДПН Ангела Мэркель, Хорст Зэехофэр і Марцін Шульц абвясьцілі, што прапануюць сваім партыям прыступіць да афіцыйных кааліцыйным перамоваў.

Усе тры старшыні партый заявілі, што задаволеныя вынікамі папярэдніх кансультацый і назвалі іх прарывам для Нямеччыны і Эўропы.

Канцлер ФРГ і лідар Хрысьціянска-дэмакратычнага саюза (ХДС) Ангела Мэркель падкрэсьліла, што на сустрэчы створаны перадумовы таго, што Нямеччыны будзе добра жыць і праз 10-15 гадоў. Кожнаму ўдзельніку перамоў атрымалася ў некаторых пытаньнях «перасіліць сябе», дадала яна. Кажучы пра зьмест выніковага пагадненьня, яна зьвярнула ўвагу на дасягнутыя мэты па грамадзкай бясьпецы і істотныя паляпшэньні ў сфэры догляду хворых і пэнсійнай сфэры.

Руская служба DW/ав