Цягнік з амэрыканскімі палітыкамі ўрэзаўся ў сьмецьцявоз

У амэрыканскім штаце Вірджынія пасажырскі цягнік з членамі Кангрэсу ЗША ад Рэспубліканскай партыі сутыкнуўся са сьмецьцявозам.

У выніку інцыдэнту загінуў адзін чалавек, яшчэ адзін атрымаў сур'ёзныя траўмы. Абодва знаходзіліся ў грузавіку. Сярод палітыкаў і пэрсаналу пацярпелых няма.

Пасьля сутыкненьня першы вагон складу сышоў з рэек.

18 сьнежня цягнік, які ехаў з Портленда ў Сіэтл, на хуткасьці каля 130 кілямэтраў у гадзіну зваліўся з моста на шашу. У выніку пацярпелі 77 чалавек, падаючыя з вышыні вагоны пашкодзілі некалькі легкавых аўтамабіляў і грузавікоў.

14 сьнежня на поўдні Францыі хуткасная электрычка пратараніла школьны аўтобус, які перасякаў чыгуначны пераезд. Ад моцнага ўдару машыну разарвала на дзьве часткі. Тады загінулі чацьвёра дзяцей.

lenta.ru/яс