Пад Масквой разьбіўся самалёт Ан-148 - на борце быў 71 чалавек
PR dla Zagranicy
Natalia Szymkowiak
11.02.2018 14:21
Па інфармацыі крыніцы ў экстранных службах, шанцаў выжыць у пасажыраў не было.
Самалёт Саратаўскіх авіяліній. Фота "Камэрсант"www.kommersant.ru
У Падмаскоўі разьбіўся самалёт Ан-148. Машына, які належала Саратаўскім авіялініям, пацярпела крушэньне пасьля вылету з Дамадзедава ў Орск, паведаміла крыніца ў экстраных службах.
Удакладнена, што паветранае судна ўпала паміж населенымі пунктамі Заворава і Сьцепанаўскае. За здарэньнем назіралі навочныя сьведкі. "Шанцаў выжыць у членаў экіпажа і пасажыраў не было", – сказала крыніца.
Ан-148 зьнік з экранаў радараў пасьля вылету з маскоўскага аэрапорта "Дамадзедава" ў Орск. Мяркуецца, што на борце знаходзіўся 71 чалавек – 65 пасажыраў і шэсьць членаў экіпажа.
Наша Ніва/нг