Турчанку прыгаварылі да сьмерці за далучэньне да Ісламская дзяржавы

Суд у Багдадзе прыгаварыў турчанку да павешаньня за далучэньне да Ісламскай дзяржавы. Дзесяць іншых жанчын розных нацыянальнасьцяў прыгаварылі да пажыцьцёвага зьняволеньня. Прыгавораныя могуць падаць апэляцыю.

«Суд прыгаварыў да пажыцьцёвага тэрміну зьняволеньня 10 жанчын, прызнаных вінаватымі ў тэрарызьме, і прыгаварыў да сьмяротнага пакараньня іншую тэрарыстку, у якой турэцкае грамадзянства», – паінфармаваў прэс-сакратар суду.

Апошнімі гадамі тысячы іншаземцаў змагаліся на баку джыхадыстаў з Ісламскай дзяржавы ў Іраку і Сырыі ці ім дапамагалі. У мінулым месяцы за далучэньне да ІД ірацкі суд прыгаварыў да сьмерці немку мараканскага паходжаньня. У верасьні мінулага году ў Іраку да сьмяротнага пакараньня прыгаварылі расейца.

У ірацкіх турмах знаходзяцца цяпер дзясяткі тысяч вязьняў, падазраваных у сувязях з ІД. Згодна з ірацкім правам, прызнаньне кагосьці чальцом ІД азначае для яго пажыцьцёвае зьняволеньне ці кару сьмерці.

ав