СМІ абвінавачваюць сям’ю Пуціна і ФСБ у адмываньні брудных грошай

Дацкія і брытанскія СМІ пішуць, што чальцы сям’і расейскага прэзыдэнта і ФСБ нібыта выкарыстоўвалі эстонскі філіял дацкага Danske Bank для адмываньня брудных грошай, пра што кіраўніцтва банку даведалася з ананімных рапартаў.

Доступ да гэтых рапартаў атрымала дацкая газэта «Berlingske». Выданьне піша, што пасьля папярэджаньня аб магчымым выкарыстаньні эстонскага філіялу банку для нелегальнай дзейнасьці ў 2013 годзе Danske Bank зачыніў 20 рахункаў расейскіх кліентаў.

У заяве Danske Bank паінфармаваў, што правёў «дакладнае сьледзтва, каб высьветліць сутнасьць падзей у эстонскім аддзеле, але пакуль сьледзтва не завершана», і таму банк не камэнтуе справу.

niezalezna.pl/ав