Латвійскім дзецям забароняць выяжджаць у расейскія ваенізаваныя лягеры

Камісія Сэйму Латвіі па правах чалавека і грамадзкіх справах падтрымала прапанову дэпутата ад Саюзу «зялёных» і сялян Карліса Сержантса забараніць удзел дзяцей у ваенных лягерах, які знаходзяцца на тэрыторыі Расейскай Фэдэрацыі.

Плянуецца забараніць латыскім дзецям удзельнічаць у арганізаваных замежнай дзяржавай або іншым суб'ектам міжнароднага права дзеяньнях або мерапрыемствах ваеннага характару, за выключэньнем краін-партнэраў Латвіі па НАТА і Эўрапейскаму Зьвязу, а таксама ў мерапрыемствах, якія праводзяцца некаторымі іншымі краінамі.

Латышскія парлямэнтары намераныя ўнесьці ў Закон аб абароне правоў дзяцей згаданыя зьмены. Абедзьве прапановы ў бліжэйшы час будуць разгледжаныя падчас пасяджэньня Сэйму Латвіі.

эж