Пратэсты выклікалі транспартны каляпс у Армэніі

Сёньня раніцай дэманстранты перакрылі транспартныя зносіны паміж сталіцай краіны Ерэванам і міжнародным аэрапортам «Звартноц». Паводле некаторых паведамленьняў, супрацоўнікі аэрапорта таксама далучыліся да пратэсту.

Акрамя таго, не працуе станцыя мэтро «Моладзевая», перакрытая большасьць галоўных транспартных артэрый горада. Удзельнікі акцый, сярод якіх вядомыя адвакаты, блякавалі аўтамабілямі ўваход у адзін з будынкаў урада, дзе разьмешчаныя Міністэрства адукацыі і навукі, Міністэрства культуры і Міністэрства дыяспары.

Апазыцыя патрабуе новых парлямэнцкіх выбараў і няўдзелу ў іх кіроўнай Рэспубліканскай партыі, якая, на іх думку, сябе дыскрэдытавала. Апроч таго, удзельнікі пратэстаў патрабуюць прызначэньня прэм'ерам Нікола Пашыняна.

Нагадаем, 1 траўня армянскі парлямэнт адмовіўся прызначыць Пашыняна на пасаду прэмʼер-міністра. 8 траўня парлямэнт закаўкаскай рэспублікі ў чарговы раз зоймецца пытаньнем прызначэньня новага кіраўніка ўраду.

паводле Радио Азатутюн/эж