Украінскі рэжысэр Алег Сянцоў ня спыніць галадоўку

Пра гэта паінфармаваў яго адвакат. Больш за тыдзень таму Сянцоў паведаміў, што ня будзе есьці, пакуль Расея ня вызваліць усіх украінскіх палітвязьняў (64 асобы). Пратэст-галадоўка працягваецца ўжо восьмы дзень.

Паводле юрыста Дзьмітрыя Дынзэ, яго кліент настаўлены вельмі рашуча. “Сянцоў сказаў, што будзе галадаць да канца, таксама да самага трагічнага канца. Альбо яго патрабаваньні будуць выкананыя, альбо ён памрэ ў турме. Я ведаю Алега чатыры гады і мяркую, што ён прыняў такое рашэньне”, - падкрэсьліў Дынзэ.

Украінскага рэжысэра абвінавацілі ў тэрарызьме і прыгаварылі да 20 гадоў пазбаўленьня волі. Ён адсядзеў ужо 4 гады.

ав