Выбраны новыя непастаянныя члены Рады бясьпекі ААН
PR dla Zagranicy
Viktar Korbut
09.06.2018 14:15
У 2019-2020 гадах ад ЭЗ імі будуць Нямеччына і Бэльгія.
pixabay.com/Public Domain/CC0
Нямеччына і Бэльгія сталі новымі непастаяннымі членамі Рады бясьпекі ААН. Гэты статус яны будуць мець у 2019-2020 гадах. Таксама часовымі сябрамі рады стануць Інданэзія, Дамініканская і Паўднёва-Афрыканская рэспублікі.
Дамінікана зойме месца Балівіі, якая выступала падчас галасаваньняў з прарасейскай пазыцыяй.
Да 2019 году адным зь непастаянным членаў Рады бясьпекі ААН застаецца Польшча, а разам зь ёй Экватарыяльная Гвінэя, Кувэйт, Пэру і Бераг Слановай Косьці.
Усяго ў раду ўваходзіць 15 краін. Пастаянныя члены — ЗША, Вялікабрытанія, Францыя, Кітай і Расея.
Pap.pl/вк