Папа Францішак запісаў у Катэхізісе недапушчальнасьць сьмяротнага пакараньня

Ватыкан апублікаваў у чацьвер выдадзенае 11 траўня рашэньне Папы Рымскага, у якім ён загадаў запісаць у Катэхізісе Каталіцкага касьцёла тэзіс, што сьмяротнае пакараньне зьяўляецца недапушчальным.

Да гэтага часу ў артыкуле 2267 Катэхізісу не выключалася кара сьмерці, калі яна была адзіным даступным спосабам абароны чалавечага жыцьця ад несправядлівага агрэсара. Адначасова паведамлялася, што выпадкі абсалютнай неабходнасьці пазбаўленьня ад злачынцы вельмі рэдкія, а нават ужо ўвогуле не здараюцца.

Цяпер у зьмесьце гэтага артыкулу напісана, што кара сьмерці зьяўляецца недапушчальнай, паколькі аспрэчвае непарушнасьць і годнасьць асобы.

ав