Logo Polskiego Radia
Print

Падзеньне курсу турэцкай ліры можа пацягнуць за сабою іншыя валюты

PR dla Zagranicy
Natalia Szymkowiak 14.08.2018 15:32
Вугорскі форынт за некалькі дзён патаньнеў на 9%, рыкашэтам атрымаў таксама польскі злоты.
Photo: pixabay.com

Рэзка падае курс турэцкай ліры, з пачатку бягучага году яна патаньнела на больш чым 40% у адносінах да даляра – нагадвае «Gazeta Wyborcza». Крызіс у Турэччыне цягне ўніз таксама іншыя валюты гэтак званых узыходзячых рынкаў, між іншым, вугорскі форынт, які за некалькі дзён патаньнеў на 9%. Рыкашэтам атрымаў таксама польскі злоты.

На колькі праблемы Турцыі могуць паўплываць на эўрапейскія рынкі? Некаторыя аналітыкі параўноўваюць цяперашнюю сытуацыю з азіяцкім крызісам у 90-ыя гады, калі праблемы Тайлянду выклікалі крызіс ва ўсім рэгіёне, а пазьней перакінуліся на ўзыходзячыя рынкі. Эўрапейскія банкі пазычылі Турцыі больш за 150 млрд. даляраў у крэдытах.

Турэцкі кіраўнік Рэджэп Таіп Эрдаган вінаваціць у падзеньні курса ліры «міжнародных спэкулянтаў». Але праблемы пачаліся з таго, што прэзыдэнт ЗША заявіў пра ўвядзеньне мытных пошлін на сталь, імпартаваную з Турцыі, яшчэ раней ЗША ўвялі санкцыі супраць некаторых турэцкіх міністраў.

Gazeta Wyborcza/нг

Print
Copyright © Polskie Radio S.A Пра нас Кантакт