Алег Сянцоў знаходзіцца ў перадкрытычным стане
PR dla Zagranicy
Viktar Korbut
15.08.2018 12:00
Украінскага палітвязьня ў расейскай калёніі наведала праваабаронца.
Алег СянцоўФота: Svaboda.org
Украінскі рэжысэр Алег Сянцоў, які з траўня трымае галадоўку ў расейскай калёніі, ацэньвае свой стан як «перадкрытычны». Пра гэта паведаміла праваабаронца Зоя Сьветава, якая наведала асуджанага ў калёніі горада Лабытнангі.
Пры гэтым Сьветава адзначыла, што Сянцоў цалкам давярае ўрачам мэдчасьці калёніі і не жадае пераводу ў іншы шпіталь.
Урач, зь якім сустракалася Сьветава, падкрэсьліў неабходнасьць спыненьня галадоўкі, пацьвердзіўшы, што ў любы момант у Сянцова можа спыніцца работа ўнутраных органаў.
Гутарка Сьветавай зь Сянцовым працягвалася дзьве гадзіны. Сустрэча была ініцыіравана Саветам па правах чалавека пры прэзыдэнце Расеі па ўзгадненьні з Фэдэральнай службай выкананьня пакараньняў.
Сьветава расказала, што Сянцоў ня мае намеру спыняць галадоўку: «Ён верыць у сваю высакародную мэту, зрабіў усё, што мог, і цяпер разьлічвае на палітычнае рашэньне».
Svaboda.org/вк
tags: