Logo Polskiego Radia
Print

Ізраільцянам раздадуць зброю

PR dla Zagranicy
Viktar Korbut 22.08.2018 10:00
Афіцэры і сяржанты пасьля заканчэньня тэрміновай службы змогуць пакінуць сабе зброю.
Ілюстрацыйнае фотаІлюстрацыйнае фотаФота: pixabay.com/Public Domain CC0

Міністар унутранай бясьпекі Ізраіля Гілад Эрдал падпісаў дакумэнт, які ўносіць зьмены ў інструкцыю аб выдачы ліцэнзіі на зброю.

Згодна з новымі правіламі, афіцэры і сяржанты пасьля заканчэньня тэрміновай службы ня толькі ня будуць пазбаўлены ліцэнзіі, але змогуць пакінуць сабе і зброю, якая будзе заставацца ў іх да таго часу, пакуль яны лічацца ў рэзэрве.

Гэта мера павінна прывесьці да павышэння ўзроўню бясьпекі ў ізраільскім грамадзтве, падкрэсьліваецца ў паведамленьні Міністэрства ўнутранай бясьпекі.

У дадатак да гэтага па дазвол на нашэньне зброі змогуць зьвяртацца валянтэры паліцыі, супрацоўнікі выратавальнай службы, ліцэнзія на зброю выдаецца таксама вадзіцелям грамадзкага транспарту.

Паводле даных Міністэрства ўнутранай бясьпекі, каля 145 тысяч ізраільцян маюць зброю, ня лічачы тых, хто носіць яе па абавязку службы.

Nn.by/вк

Print
Copyright © Polskie Radio S.A Пра нас Кантакт