Самалёт нацыянальнай авіякампаніі Папуа-Новай Гвінэі ўпаў у лягуну

Самалёт нацыянальнай авіякампаніі Папуа-Новай Гвінэі ня змог прызямліцца на ўзьлётна-пасадачнай паласе аднаго з астравоў архіпэлягу Трук у Мікранэзіі і ўпаў у лягуну. Паведамляецца, што ні адзін з 35 пасажыраў і 12 членаў экіпажа не атрымаў сур'ёзнай траўмы.

Пасажырскі Boeing кампаніі Air Niugini зьдзейсьніў аварыйную пасадку на ваду недалёка ад міжнароднага аэрапорта Трук.

«Самалёт упаў у лягуну прыкладна ў 146 мэтрах ад узьлётна-пасадачнай паласы», – распавёў BBC супрацоўнік аэрапорта Джымі Эміліё.

Самалёт ляцеў з выспы Понпэі ў Мікранэзіі ў Порт-Морсьбі, сталіцу Папуа-Новай Гвінэі.

tut.by/яс