Вялікабрытанія можа пакінуць ЭЗ толькі ў 2022 годзе
PR dla Zagranicy
Viktar Korbut
20.11.2018 13:15
Прапаноўваецца падоўжыць пераходны пэрыяд па выхадзе Вялікабрытаніі з ЭЗ да канца 2022 года.
Прэм'ер-міністар Вялікабрытаніі Тэрэза МэйФота: EPA/ANDY RAIN
На сустрэчы міністраў замежных спраў ЭЗ у Брусэлі 19 лістапада быў адобраны дагавор аб брэксыце. Цяпер працягваецца работа над дэклярацыяй аб будучых адносінах паміж Эўрапейскім зьвязам і Вялікабрытаніяй і пераходным пэрыядзе.
25 лістапада дагавор аб брэксыце павінны падпісаць лідары краін ЭЗ на саміце ў Брусэлі.
Галоўны перагаворшчык па брэксыце Мішэль Барні адзначыў, што дагавор справядлівы і выключыў магчымыя зьмены ў ім. Ён таксама дадаў, што дыскусія аб пераходным пэрыядзе працягваецца. Цяпер прапаноўваецца, каб пераходны пэрыяд працягваўся да канца 2022 года. Да гэтага часу Вялікабрытанія павінна жыць паводле норм ЭЗ і рабіць узносы ў сумесны бюджэт.
IAR/вк