Пад заваламі ў Магнітагорску знайшлі жывое немаўля

Жывое 10-месячнае немаўля ўдалося знайсьці пад заваламі жылога дома ў Магнітагорску ў Чалябінскай вобласьці Расеі. Стан дзіцяці цяжкі. Ратаўнікі кажуць пра цуд. Хлопчык Ваня знаходзіцца ў рэанімацыі. Паводле расейскіх СМІ, выжыла таксама мама хлопчыка і яе другое дзіця.

Выбух газу і абвал жылога шматпавярховага дома ў Магнітагорску адбыўся ў панядзелак раніцай. Пад заваламі надалей можа знаходзіцца больш за 30 чалавек, ёсьць восем сьмяротных ахвяр.

Выратавальная акцыя ўскладненая па прычыне нізкай тэмпэратуры, якая ноччу сягае мінус 27 градусаў, і нестабільнай канструкцыі будынку. На месцы працуе 1,3 тысячы чалавек. Шанцы на тое, што нехта выжыў у такой тэмпэратуры амаль нулявыя. Выратаваны хлопчык выжыў дзякуючы таму, што быў у ложачку і быў цёпла захутаны.

ав