На бок Гуайдо перайшоў яшчэ адзін вэнэсуэльскі военачальнік

Палкоўнік вэнэсуэльскай арміі Рубэн Хімэнэс абвясьціў, што прызнае часовым прэзыдэнтам Вэнэсуэлы Хуана Гуайдо. «90% узброеных сіл незадаволеныя. Салдат выкарыстоўваюць, каб утрымліваць урад Мадура ва ўладзе», – прыводзяць яго словы заходнія СМІ.

Лідэр вэнэсуэльскай апазыцыі Хуан Гуайдо раней абвясьціў сябе часовым прэзыдэнтам краіны. ЗША, а таксама шэраг эўрапейскіх і лацінаамэрыканскіх краін прызналі яго законным лідэрам Вэнэсуэлы. Нікалас Мадура лічыць дзеяньні апазыцыі незаконнымі.

У цяперашні час у Вэнэсуэле назіраецца цяжкая сацыяльна-эканамічная сытуацыя. У прыватнасьці, яна зьвязана з высокім узроўнем інфляцыі ў краіне. Мясцовыя жыхары сутыкаюцца з галечай і недахопам ежы.

Інтэрфакс/ав