25 год стратэгічных адносін з Кітаем

За гэты час афіцыйны Менск у адносінах з Пэкінам выйшаў на ўзровень давяральняга ўсебаковага стратэгічнага партнэрства ды на мільярды даляраў узаемнага гандлю. Мы папрасілі пракамэнтаваць гэтыя адносіны незалежных экспэртаў.

На пачатку года беларускі міністар замежных спраў Уладзімір Макей даў вялізнае інтэрвію, якое было прысьвечана беларуска-кітайскім стасункам. Кіраўнік беларускай дыпляматыі зазначыў, што Менску ўдалося выйсьці на беспрэцэдэнтна высокі ўзровень адносін - „усепагоднага сяброўства” ды давяральнага стратэгічнага партнэрства. Толькі чатыры краіны маюць такі ўзровень.

У эканоміцы за апошнія гады Кітай увайшоў у тройку асноўных гандлёвых партнэраў Беларусі, таваразварот перавысіў 3 мільярды даляраў, беларускі экспарт у Кітаі дасягнуў 800 мільёнаў. Адны посьпехі, рапартуюць дзяржаўныя службоўцы.

Мы папрасілі пракамэнтаваць гэтыя посьпехі незалежных экспэртаў. Ці сапраўды мы маем дачыненьне з беспрэцэдэнтным прарывам? Гэтае пытаньне мы задалі аналітыку Цэнтра Астрагорскага Сяргёю Богдану.

слухайце гукавы файл

Размаўляў Юры Ліхтаровіч