Ці лёгка падслухаць размовы Лукашэнкі?

Крыніцы агенцтва Reuters сьцьвярджаюць, што расейскія агенты стваралі падстаўныя акаўнты для збору інфармацыі аб асяродзьдзі цяперашняга прэзыдэнта Францыі Эманьюэля Макрона. Гэтую навіну растыражыравалі шматлікія СМІ, падкрэсьліваючы, што спэцслужбы спрабавалі шпіёніць за выбарчым штабам Макрона з дапамогай падстаўных акаўнтаў у сацыяльнай сетцы Facebook.

Паведамляецца, што для сачэньня за супрацоўнікамі перадвыбарчага штаба Макрона й іншымі людзьмі зь яго атачэньня было створана каля 25 акаўнтаў.

Мы вырашылі пацікавіцца ў спэцыяліста, у якой ступені барацьба спэцслужбаў перанеслася з рэчаіснасьці ў віртуальны сьвет? Ці агенты ў інтэрнэце – гэта сапраўдная праблема? Ці лёгка можна праслухаць размовы кіраўнікоў краін, у тым ліку й Лукашэнкі?

На гэтыя ды іншыя пытаньні адказвае экспэрт, а ім сёньня зьяўляецца вайсковы аналітык, кіраўнік праекту «Belarus Security Blog» Андрэй Паротнікаў. Зь ім размаўляе Валеры Саўко.

слухайце далучаны гукавы файл