Дадон вырашыў «не здавацца»
PR dla Zagranicy
Jury Lichtarowicz
08.01.2018 15:55
Напружаная палітычная сытуацыя складаецца ў Малдове.
Foto: publica.md/Wikipedia Commons/CC BY-SA 4.0
Канстытуцыйны суд адхіліў прэзыдэнта ад улады. Ігар Дадон назваў рашэньне незаконным і зьбіраецца змагацца за ўладу.
У верасьні ў малдаўскім парлямэнце пачаўся збор подпісаў, каб пачаць працэдуру адхіленьня прэзыдэнта Дадона ад улады. 2 студзеня Канстытуцыйны суд Малдовы часова прыпыніў паўнамоцтвы прэзыдэнт Дадона на запыт дэпутатаў ад кіроўнай кааліцыі. Суд прыняў рашэньне ў зьвязку з тым, што прэзыдэнт паўторна адхіліў прапанаваныя прэм’ер-міністрам кандыдатуры 5 міністраў. Паводле малдаўскага заканадаўства, прэзыдэнт мае права адхіляць кандыдатуры міністраў толькі адзін раз. Часова функцыі прэзыдэнт краіны выконвае старшыня парлямэнту Малдовы Адрыян Канду.
У сваю чаргу сацыяліст Ігар Дадон, які перамог на прэзыдэнцкіх выбарах 2016 года ў Малдове, заявіў, што рашэньне незаконнае. Ён паабяцаў змагацца. Ці гэта азначае новы віток палітычнага крызысу ў Малдове? Дадон яшчэ летам казаў, што яму падабаецца палітычны рэжым у Беларусі, і што Малдова павінна быць як Беларусь.
Як можа далей разьвівацца сытуацыя ў гэтай дзяржаве? Пра гэта мы запыталіся ў палітоляга Паўла Ўсава.
Слухайце размову ў гукавым файле
Юры Ліхтаровіч