У Расеі баставалі выбарцы
PR dla Zagranicy
Jury Lichtarowicz
29.01.2018 15:55
У нядзелю ў амаль 100 гарадах прайшлі акцыі пратэсту «Забастоўка выбарцаў».
Foto: ANATOLY MALTSEV/EPA/PAP
Акцыю анансаваў Аляксей Навальны.
У Расеі ідзе выбарчая кампанія, 18 сакавіка ў гэтай краіне адбудуцца прэзыдэнцкія выбары. Адзін з кандыдатаў – Аляксей Навальны – заклікаў расейцаў байкатаваць выбары пасьля таго, як ЦВК не дапусьціла яго да выбарчай кампаніі. Навальны заклікаў людзей выйсьці ў нядзелю на вуліцу на акцыі ў падтрымку «Забастоўкі выбарцаў». Акцыі: мітынгі ды шэсьці – прайшлі ў амаль 100 гарадах, у тым ліку ў Маскве, Санкт-Пецярбургу, Омску, Мурманску, Навасібірску, Чалябінску, Самары, Уфе, Калінінградзе. На акцыі выйшлі каля 5 тысяч чалавек. Паліцыя затрымала больш за 350 чалавек, у тым ліку і Навальнага. Большасьць затрыманых пазьней адпусьцілі.
Пра што сьведчыць гэтая акцыя? Ці рэальны байкот выбараў у Расеі? Гэтыя тэмы мы абмяркоўваем з палітолягам Паўлам Усавым.
Слухайце размову ў гукавым файле
Размаўляў Юры Ліхтаровіч