Трагедыя ў Кемераве - вынік гнілой палітычнай сыстэмы

Лічба афіцыйна пацьверджаных ахвяр пажару ў гандлёва-забаўляльным цэнтры «Зімовая вішня» ў расейскім Кемераве ўзрасла да 64 чалавек, яшчэ 44 чалавекі зьвярнуліся па мэдыцынскую дапамогу. Паведамляецца, што сярод загінуўшых дзевяць дзяцей. СМІ пішуць, што ў цэнтры не спрацавала супрацьпажарная сыстэма, былі парушаныя правілы бясьпекі.

З пачатку бягучага году гэта ня першая трагедыя ў Расеі – зьвяртае ўвагу палітоляг і гісторык Павал Усаў. Спачатку катастрофа самалёту ў Саратаве, у якой загінулі 63 асобы. Некалькі дзён таму ў Маскоўскай вобласьці больш за 30 дзяцей атруціліся газам, які паяўляецца ў выніку гніцьця адкідаў. Дзеці дагэтуль знаходзяцца ў шпіталях.

П. Усаў: Усё гэта адбываецца ў пэрыяд прэзыдэнцкай кампаніі Ўладзіміра Пуціна. Нагадаю, што кампанія прэзэнтуецца як перамога расейскага грамадзтва над зьнешнімі пагрозамі, а Пуцін выведзе расейскую нацыю на новы ўзровень. На маю думку, гэта элемэнты адной сыстэмы. Уся гніласьць палітычнай сыстэмы адбіваецца на дэградацыі сацыяльнай і эканамічнай сыстэмы. Усё гэта стварае ўмовы для такіх трагедый, і яны будуць працягвацца. Палітычная і эканамічная сыстэма на столькі карумпаваныя, што заплюшчваюцца вочы на элемэнтарную сыстэму бясьпекі. Кемерава – гэта ня першы і не апошні прыклад таго, як карумпаваныя бізнэсоўцы і чыноўнікі дазваляюць адчыняць цэнтры, якія не адпавядаюць нормам бясьпекі.

Поўная размова ў далучаным гукавым файле.

ав