Паездка Лукашэнкі на чэмпіянат на фоне карупцыйнага скандалу

Аляксандар Лукашэнка езьдзіў на фінальны матч чэмпіянату сьвету па футболе ў Маскве. На апублікаваным БелТА відэа бачна, што Лукашэнка абдымае прэзыдэнтку Харватыі Калінду Грабар-Кітаравіч за плячо, размаўляючы з прэзыдэнтам Францыі Эманюэлем Макронам.

П. Усаў: Больш, чым дзіўным, зьяўляецца візыт Лукашэнкі на ключавы матч чэмпіянату сьвету па футболе на фоне аднаго з самых буйных карупцыйных скандалаў у Беларусі. У скандал замешаныя не апошнія фігуры беларускай дзяржавы, прызначаныя ў тым ліку і Лукашэнкам. Такія палёты за дзяржаўныя грошы ў люксавых умовах сьведчаць пра тое, што карупцыя ў Беларусі фактычна не пераможная. Прэзыдэнт разбазарвае дзяржаўныя грошы на права і на лева, без функцыянальнай патрэбы. Паездкі на адкрыцьцё і закрыцьцё чэмпіянату каштавалі Беларусі не адну тысячу даляраў, але ў беларускага кіраўніка ніхто не запатрабуе справаздачы. Гэта яскравы прыклад таго, што карупцыя даўно разьела дзяржаўную вертыкаль, а Лукашэнка зьяўляецца тым асноўным фактарам, які абумоўлівае існаваньне карупцыі ў Беларусі.

У далучаным гукавым файле камэнтар П. Усава да падзей, зьвязаных з абаронай Курапатаў.

ав