Жыхары вёскі Райск ўшанавалі памяць ахвяр нацыстаў

Жыхары падляскай вёскі Райск ушанавалі памяць сваіх блізкіх, забітых немцамі 75 гадоў таму 16 чэрвеня 1942 году. Памяць сярод людзей пра спаленьне вёскі надалей жывая, але ўсё ж пакаленьне, якое перажыло пацыфікацыю вёскі падчас нямецкай акупацыі, ужо адыходзіць і гэтую памяць трэба зьберагаць…

Урачыстасьці мелі рэлігійны характар. У пятніцу 16-га чэрвеня у Райску адбылася літургія ў царкве сьвятых Пятра і Паўла з удзелам супраскага Эпіскапа Рыгора, працэсія на магілу забітых жыхароў вёскі, паніхіда і ўскладаньне кветак.

«Ушанаваньне 75. угодкаў спаленьня немцамі вёскі Райск гэта для нас урок гісторыі. І нават па хрысьціянскі выбачыўшы, нам трэба пра гэта памятаць, каб подласьць не ўкаранілася ў зажываючых ранах»,– сказаў уладыка Рыгор.

У далучаным файле слухайце рэпвартаж Яраслава Іванюка.